नागपुरात सुरू असेलेल्या विधीमंडळच्या हिवाळी अधिवेशनातून महत्वाची बातमी समोर आली आहे. भाजपचे प्रदेशाध्यक्ष रवींद्र चव्हाण आणि शिवसेना शिंदे गटाचे आमदार निलेश राणे यांचा एक व्हिडीओ समोर आला आहे. दोन्ही नेत्यांची विधिमंडळ परिसरात भेट झाली. या भेटीवेळी रवींद्र चव्हाण आणि निलेश राणे यांची गळाभेट झाली. गेल्या अनेक दिवसांपासून या दोन्ही नेत्यांमध्ये मतभेत असल्याच्या बातम्या समोर आल्या होत्या. कोकणातील स्थानिक राजकारण असो वा पैसे वाटपाचे प्रकरण यामुळे दोन्ही नेत्यांमध्ये वाद सुरू असल्याचे म्हटले जात होते. त्यामुळे महायुतीत नेमकं चाललंय काय? महायुतीत सगळं काही अलबेल नसल्याचे बोलले जात होते. अशातच आता या दोन्ही नेत्यांची भेट होणे आणि त्यांनी एकमेकांची विचारपूस केल्याच्या बातमीने आता चर्चांना उधाण आले आहे. रवींद्र चव्हाण आणि निलेश राणे यांचा गळाभेटीचा व्हिडीओ व्हायरल होत आहे.