श्रीवर्धनमध्ये आयोजित राष्ट्रवादी कॉंग्रेस अजित पवार गटाच्या सभेत मंचावर फटाक्यांची ठिणगी पडल्याने काही काळ धूराचं साम्राज्य पसरलेलं दिसलं. चिपळूनमधील जनसन्मान यात्रेदरम्यान हा प्रकार घडला आहे. मंचावर लावलेल्या प्लॅस्टिकच्या फुलांवर फटाक्यांची ठिणगी पडल्याने मंचावर धूर पसरला होता. कार्यकर्त्यांनी प्रसंगावधान राखत परिस्थिती नियंत्रणात आणल्याने मोठा अनर्थ टळला. खासदार सुनील तटकरे यांचं भाषण सुरू असताना हा प्रकार घडला.

तर दुसरीकडे यावेळी भाषण करताना सुनील तटकरे यांनी 'बेताल वक्तव्य करणाऱ्या नितेश राणे यांचा आम्ही जाहीर निषेध करतो. आम्ही सत्तेत फक्त सत्तेसाठी नाही, असं वक्तव्य केलं आहे. आम्ही सत्तेत राहून जाहीर निषेध करण्याची ताकद राष्ट्रवादीने दाखवली आहे. असंही त्यांनी म्हंटल आहे.