अहिल्यानगर जिल्ह्यातील सर्वात विशाल असणाऱ्या रंधा धबधब्याचे सौंदर्य पर्यटकांना खुणावत आहे. अकोले तालुक्यात सह्याद्रीच्या पर्वतरांगांमध्ये जोरदार पाऊस कोसळत असल्याने शेकडो धबधबे प्रवाहित झाले आहेत. भंडारदरा धरणातून प्रवरा नदीपात्रात सोडलेले पाणी ज्या ठिकाणी खोल दरीत कोसळते तो रंधा धबधबा पर्यटकांचे लक्ष वेधून घेत आहे. अतीशय सुंदर दिसणारा हा धबधबा तेवढाच धोकादायक असल्याने पर्यटकांनी काळजी घेण्याचं आवाहन प्रशासनाने केले आहे.