अनुसूचित जातीच्या आरक्षणातील उपवर्गीकरणाच्या मुद्द्यावर केंद्रीय मंत्री रामदास आठवले यांनी महत्वाचं भाष्य केलं आहे. 'उपवर्गीकरण करायला हरकत नाही', असं वक्तव्य रामदास आठवले यांनी केलं. त्यावेळी आरक्षणाचा लाभ समाजातील सर्व घटकांपर्यंत पोहोचला पाहिजे, असेही त्यांनी म्हटलं.

रामदास आठवले आज पश्चिम महाराष्ट्राच्या दौऱ्यावर होते. या दौऱ्यादरम्यान केंद्रीय राज्यमंत्री रामदास आठवले उपवर्गीकरणाच्या मुद्द्यावर भाष्य केलं. यावेळी त्यांनी खासदार उदयनराजे भोसले यांची त्यांच्या जलमंदिर पॅलेस येथे सदिच्छा भेट घेतली. उदयनराजे यांच्या जलमंदिर पॅलेसमध्ये येऊन रामदास आठवले यांनी कॉलर उडवत उदयनराजेंची स्टाईल मारली.

या भेटीदरम्यान नेहमीप्रमाणे आपल्या काव्यशैलीने उपस्थितांचे लक्ष वेधून घेत रामदास आठवले यांनी उदयनराजेंवर खास कविता सादर केली.'माझ्या बाजूला उभे आहेत उदयनराजे...आणि आमच्या दोघांचे चित्र आहे ताजे..., आठवले यांच्या या कवितेमुळे उपस्थितांमध्ये एकच हशा पिकला.