केंद्रीय मंत्री रक्षा खडसे यांच्या मुलीसह तिच्या मैत्रिणींची छेड काढल्याप्रकरणी पोलिसांनी चार आरोपींना अटक केली होती. अनिकेत भोई, किरण माळी आणि अनुज पाटील हे तिघे आणि त्यांच्यासोबत एका अल्पवयीन मुलाला अटक केली होती. आरोपींना भुसावळ सत्र न्यायालयात हजर करण्यात आले होते. त्यातील तिघा संशयित आरोपींना ५ मार्चपर्यंत पोलीस कोठडी सुनावली आहे. तर, अल्पवयीन आरोपीची रवानगी बालसुधारगृहात करण्यात आली आहे.

खडसे यांच्या मुलीची छेड काढणाऱ्यांविरोधात मुक्ताईनगर पोलीस ठाण्यात एकूण सात जणांवर गुन्हा नोंदवला होता. त्यापैकी चौघांना अटक केली आहे. त्यात एक अल्पवयीन आहे. फरार आरोपींच्या अटकेसाठी पोलीस पथक रवाना झाले आहेत, अशी माहिती जिल्हा पोलीस अधीक्षक डॉ. महेश्वर रेड्डी यांनी दिली. दुसरीकडे अटक आरोपींना भुसावळ जिल्हा सत्र न्यायालयात हजर करण्यात आले. तिघांना ५ मार्चपर्यंत पोलीस कोठडी, तर अल्पवयीन मुलाला बालसुधारगृहात पाठवण्यात आलं.