मनसे अध्यक्ष राज ठाकरे हे छत्रपती संभाजीनगर दौऱ्यादरम्यान आपल्याच कार्यकर्त्यांवर भडकले आहेत. यासंदर्भातील एक व्हिडिओ समोर आला आहे.

विधानसभा निवडणुकीच्या पार्श्वभूमीवर मनसे अध्यक्ष राज ठाकरे दौऱ्यावर आहेत. दोन दिवसांपूर्वी ते संभाजीनगरच्या दौऱ्यावर होते. यावेळी कार्यकर्ते परवानगी न घेता हॉटेलवर भेटायला आल्याने राज ठाकरे संतापलेले दिसले आहेत. बैठकीच्या ठिकाणी थांबायला सांगितलं होतं मग इकडे का आलात असा सवाल यावेळी राज ठाकरे यांनी कार्यकर्त्यांना केला आहे. या सगळ्या प्रकरणाचा व्हिडिओ सध्या व्हायरल होत आहे. मी बैठकीच्या ठिकाणी थांबायला सांगितलं होत, तिथेही मी भेटलोच असतो. मग परवानगी न घेता इथे कशाला आलात? अशा शब्दांत राज ठाकरे यांनी आपल्याच कार्यकर्त्यांवर संताप व्यक्त केला आहे.