महाराष्ट्रातील विरोधी पक्षाच्या नेत्यांनी आज महाराष्ट्राचे मुख्य निवडणूक अधिकारी एस. चोक्कलिंगम यांची भेट घेतली. यावेळी मनसे अध्यक्ष राज ठाकरे यांनी धडाधड प्रश्न निवडणुक आयोगाला विचारले. निवडणूक लागलेली नाही तरी मतदान नोंदणी का बंद केली? असा प्रश्न राज ठाकरे यांनी निवडणूक आयोगाला विचारला. त्यामुळे नुकतेच 18 वर्षे पूर्ण केलेल्या युवकांना मतदान करता येत नाही असेही राज म्हणाले. जे आज 18 वय पूर्ण करत आहेत, त्यांनी मतदान करू नये का? असाही प्रश्न राज ठाकरे यांनी विचारला. अनेक जिल्ह्यात दोन दोन ठिकाणी मतदारांची नावे आहेत, त्याचे काय करायचे.मतदारयाद्यांमध्ये प्रचंड घोळ आहे, या घोळाच काय करायचे असे अनेक प्रश्न राज ठाकरे यांनी निवडणूक आयोगापुढे उपस्थित केले आहे.