दुबार मतदार आढळले तर त्याला जागेवर फोडून काढा असा थेट आदेश राज ठाकरे यांनी शिवाजी पार्कमधून मनसे आणि शिवसैनिकांना दिला. मुंबई येथील शिवाजी पार्कमध्ये राज आणि उद्धव ठाकरे यांची सभा पार पडत आहे. भाषणाच्या सुरुवातीलाच राज ठाकरे यांनी अदानीचा व्हिडिओ दाखवत उपस्थितांच्या अंगाला काटाच आणला. तसेच मुंबई आणि महाराष्ट्रासाठी त्यांनी भाजप कार्यकर्त्यांना देखील एकत्र येण्याचे आवाहन केले. तसेच विधानसभा निवडणुकीत अनेक दुबार मतदारयाद्यांचा घोळ हा विरोधी पक्षाने समोर आणला होता. यावर देखील राज ठाकरे यांनी लक्ष करत मनसे आणि शिवसैनिकांना मतदान केंद्राबाहेर लक्ष ठेवण्याचे सांगितले. तसेच भाजपचे अण्णामलई यांनी केलेल्या मुंबईबद्दलच्या वक्तव्यावर देखील राज ठाकरे यांनी सत्ताधारी भाजपवर जोरदार प्रहार केला.