मनसे अध्यक्ष राज ठाकरेंची तोफ आज मिरा भाईंदरमध्ये धडाडणार आहे. अमराठी व्यापाऱ्यांनी मोर्चा काढलेल्या ठिकाणी राज ठाकरेंची सभा होणार आहे. राज ठाकरेंच्या सभेची मनसेकडून जोरदार तयारी करण्यात आलीय. मिरा-भाईंदरमध्ये वाघ येतोय असा आशय असणारे पोस्टर जारी करण्यात आलंय.

मराठीच्या मुद्द्यावरुन मिरा-भाईंदरमध्ये मनसे विरुद्ध परप्रांतीय व्यापारी असा वाद पेटला होता होता. परप्रांतीय व्यापाऱ्याला मनसे सैनिकांनी चोपल्यामुळे व्यापाऱ्यांनी मोर्चा काढला होता. मराठी अस्मितेच्या मुद्द्यावर झालेल्या या यशस्वी मोर्चानंतर राज ठाकरे काय बोलणार याकडे सर्वांचं लक्ष लागलंय. ज्या ठिकाणी हा वाद झाला होता त्या जोधपुर स्वीटसच्या काही अंतरावरच राज ठाकरे हे सभा घेणार आहेत. या ठिकाणाला आज संपूर्ण पोलिस बंदोबस्त असून छावणीचे स्वरूप आल्याचे पाहायला मिळत आहे.