लोकसभा निवडणुकीत मनसे अध्यक्ष राज ठाकरे यांनी महायुतीला बिनशर्त पाठिंबा दिला होता. आता विधानसभा निवडणुकीसाठी राज ठाकरे महायुतीकडे २० जागा मागू शकतात. मिळलेल्या माहितीनुसार राज ठाकरे यांनी मराठी बहुल मतदार असलेल्या मुंबई आणि ठाण्यातल्या जागा मागितल्या आहेत.दादर, वरळी, लालबाग, वर्सोवा, दिंडोशी, जोगेश्वरी, घाटकोपर पश्चिम, कल्याण, ठाणे, चेंबूर, भिवंडी, नाशिक, पुणे या जागांची मनसेकडून चाचपणी सुरू आहे. माहिममधून माजी आमदार नितीन सरदेसाई, वर्सोव्यातून शालिनी ठाकरे. वरळीतून संदीप देशपांडे आणि शिवडी बाळा नांदगावकर यांना तिकीट देण्याचा विचार मनसेने केला आहे.