पुणे : राज ठाकरे सुनेत्रा पवारांसाठी सभा घेण्याची शक्यता आहे. राज ठाकरे यांनी गुढीपाडवा मेळाव्यात महायुतीला बिनशर्त पाठिंबा देण्याचे जाहीर केले होते. त्यानुसार राज ठाकरे अजित पवार गटाच्या बारामतीच्या उमेदवार सुनेत्रा पवार यांच्यासाठी सभा घेऊ शकतात. सुनेत्रा पवार यांच्या विरोधात सुप्रिया सुळे उभ्या आहेत. बारामती लोकसभेमुळे शरद पवार आणि अजित पवार यांच्या प्रतिष्ठा पणाला लागल्या आहेत. आज मनसे पदाधिकाऱ्यांनी अजित पवार यांची भेट घेतली. राज ठाकरे हे बारामती किंवा खडकवासल्यात सभा घेऊ शकतात असे सांगितले जात आहे.