Shiv Sena MNS Seat sharing formula : दोन दशकानंतर राज ठाकरे आणि उद्धव ठाकरे एकत्र आले. मुंबई, नाशिकसह काही महत्त्वाच्या महापालिकेत शिवसेना-मनसे एकत्र लढणार आहेत. मनसे-शिवसेना युतीवर आज अधिकृत शिक्कामोर्तब झाले. पत्रकार परिषदेत राज ठाकरेंनी जागा वाटपावर मिष्कील वक्तव्य केले.

कोण किती जागा लढवणार, आकडा काय.. हे आम्ही तुम्हाला सांगणार नाही, असे म्हणत राज ठाकरेंनी त्याचे कारणही सांगितले. ते म्हणाले की, महाराष्ट्रामध्ये सध्या लहान मुले पळवणाऱ्या टोळ्या फिरताता. त्यामध्ये दोन राजकीय टोळ्यांची भर पडली.ते राजकीय पक्षातील मुले , उमेदवाराला पळवातात. असा टोला राज ठाकरेंनी लगावला. निवडणुका लढवणाऱ्या सर्व उमेदवाराला दोन्ही पक्षाकडून उमेदवारी दिली जाईल. अर्ज कधी भरायचे ते आपल्याला कळवले जाईल, असे राज ठाकरे म्हणाले.