दरवर्षीप्रमाणे यंदाही गुढीपाडव्याला राज ठाकरे यांची तोफ शिवाजी पार्कवर धडाडणार आहे. 30 मार्चला यंदाचा गुढीपाडवा आहे. या गुढीपाडव्यानिमित्त महाराष्ट्र नवनिर्माण सेनेला सभेसाठी पोलीस प्रशासनाने परवानगी दिली आहे. विधानसभा निवडणुकीच्या वेळेस मनसेला यावेळी देखील मोठा पराभवाचा सामना करावा लागला होता. त्यांचा असलेला एकमेव आमदार राजू पाटील देखील यांचा देखील पराभव झाला होता. यानंतर कायदेशीर रित्या मनसे पक्ष हा रद्द होणार अशा देखील चर्चा रंगल्या होत्या. यानंतर भाजप आणि मनसे युती होणार अशाही राजकीय वर्तुळात चर्चा होत्या. या सर्व तर्कवितरकाला गुढीपाडव्याच्या दिवशी विरामचिन्ह लागण्याची शक्यता आहे. तसेच राज ठाकरे काय चाबूक फिरवता हे बघणे महत्त्वाचे ठरेल.