मुंबईमध्ये मध्यरात्रीपासून सुरू झालेल्या मुसळधार पावसामुळे कुर्ल्याच्या एलबीएस रोडवर पावसाचं पाणी साचल्याचं पाहायला मिळत आहे. साचलेल्या पाण्याचा वाहतुकीवर परिणाम झाला होता, मोठ्या प्रमाणावर वाहतुक कोंडी झाली होती. अजुनदेखील रस्त्याच्या दोन्ही बाजुला पाणी असल्याचं दिसून येत आहे. ड्रेनेज होलच्या ठिकाणी कचरा साचल्यामुळे पाणी जाण्यास अडचण होत आहे त्यामुळे अशी परिस्थिती निर्माण झाली आहे. पाणी साचून राहिल्यामुळे गाड्यांना त्याचा त्रास होत आहे. प्रवाशी आपल्या गाड्या जागेवर सोडून चालत जात असल्याचं पाहायला मिळत आहे. एलबीएस रोडवरील दुकानांमध्ये पाणी साचल्यामुळे त्यांचं नुकसान झालं आहे.