अहमदनगर जिल्ह्यातील पुणतांबा रेल्वे जंक्शन येथे अनेक गाड्यांचा थांबा बंद केल्याने ग्रामस्थ आक्रमक झालेले पाहायला मिळत आहेत. रेल्वे प्रशासनाच्या विरोधात ग्रामस्थांनी रेल रोको आंदोलन पुकारले आहे. पुणतांबासह पंचक्रोशीतील ग्रामस्थ मोठ्या संख्येने रेलरोको आंदोलनात सहभागी झाले आहेत. आंदोलनाला पाठिंबा देत ग्रामस्थ आणि व्यावसायिकांनी गावबंद ठेवले आहे. आंदोलनात ग्रामस्थांसह शालेय विद्यार्थ्यांनी सुद्धा सहभाग घेतला आहे. तर या आंदोलनाचा मुंबई शिर्डी वंदेभारतला फटका बसला आहे. पुणतांबा येथे रेल्वे मार्ग अडवल्याने वंदे भारत एक्सप्रेस कोपरगाव रेल्वे स्थानकावर थांबवण्यात आली आहे.