रायगडचे पालकमंत्रिपद स्थगित झाल्यापासून रायगडचे मुख्यालय असलेल्या अलिबागमधील शासकीय ध्वजवंदनावरून शिंदेसेना- राष्ट्रवादीमध्ये रस्सीखेच सुरू होती. गेल्यावर्षी प्रजासत्ताक आणि स्वातंत्र्यदिनी राष्ट्रवादीच्या मंत्री आदिती तटकरे यांना रायगडच्या मुख्यालयाचे ध्वजारोहण करण्याचा मान देण्यात आला होता. त्यामुळं नाराजी व्यक्त करीत मंत्री भरत गोगावले यांनी वरिष्ठांचा निर्णय मान्य केला केला होता. आता यावर्षी प्रजासत्ताक दिनी कोणाला मान मिळणार यावरून चर्चा सुरू असताना मंत्रालयाच्या सामान्य प्रशासनाने परिपत्रक काढत यादी जाहीर केली आहे. यामध्ये रायगडच्या ध्वजवंदनाचा मान मंत्री भरत गोगावले यांना देण्यात आला आहे. यामुळे गोगावले समर्थकांमध्ये आनंदाचं वातावरण आहे.