रायगड जिल्ह्यात जोरदार पावसानं कहर केला असून,कुंडलिका नदी इशारा पातळी ओलांडून वाहू लागली आहे. दोन्ही नद्दा इथल्या इशारा पातळीच्या वरुन वाहत आहेत. नदीकाठच्या गावांमध्ये पाणी शिरले असून, पुलाचा धोका वाढलेला आहे. रायगड जिल्ह्यामधील रोहा तालुका सुध्दा पूर सदृश्य झालेला आहे. त्यामुळे प्रशासनाने नागरिकांना सतर्क राहण्याचं आवाहन केलं आहे. सततच्या पावसामुळे नदी-नाले तुडुंब भरले आहेत.

नागरिकांच्या सुरक्षेच्या दृष्टीने प्रशासन सतर्क झाले असून संबंधित विभागांच्या आपत्कालीन यंत्रणा सज्ज ठेवण्यात आल्या आहेत. प्रशासनाकडून नागरिकांना सतर्क राहण्याचं, नदीपात्रात न उतरण्याचं आणि आवश्यक असल्यास सुरक्षित स्थळी स्थलांतर करण्याचं आवाहन करण्यात आलं आहे. हवामान विभागाने आगामी काही तास जोरदार पावसाचा इशारा दिल्यामुळे दक्षता घेण्याचे आदेश देण्यात आले आहेत.