रायगड जिल्ह्यात गेल्या काही तासांपासून सुरू असलेल्या मुसळधार पावसामुळे जनजीवन पूर्णपणे विस्कळीत झालं आहे. पावसाची तीव्रता लक्षात घेता जिल्हा प्रशासनाने महाड, पोलादपूर, माणगाव, मसळा येथील सर्व शाळा आणि महाविद्यालयांना सुट्टी जाहीर केली आहे. अनेक भागांत पाणी साचल्यामुळे वाहतुकीस अडथळा निर्माण झाला असून, काही ठिकाणी पूरसदृश परिस्थितीही निर्माण झाली आहे.

विद्यार्थ्यांच्या सुरक्षिततेचा विचार करून हा महत्त्वाचा निर्णय घेण्यात आला असून, नागरिकांना अनावश्यक प्रवास टाळण्याचे आवाहन प्रशासनाने केलं आहे. आपत्कालीन सेवांना सतर्क ठेवण्यात आलं असून, जिल्ह्यातील निचांकी भागांमध्ये विशेष लक्ष दिलं जात आहे. हवामान विभागानुसार, पुढील २४ ते ४८ तासांत रायगडमध्ये अतिवृष्टीचा इशारा देण्यात आला आहे. त्यामुळे नागरिकांनी सावध राहण्याचं आणि अधिकृत सूचनांचं पालन करण्याचं आवाहन करण्यात येत आहे.