Rahul Gandhi viral hug video with Sandeep Dikshit : राहुल गांधींनी पंतप्रधान नरेंद्र मोदींच्या परराष्ट्र धोरणावरून त्यांची खिल्ली उडवली आहे. परदेशी नेत्यांना भेटताना केवळ गळाभेट घेणे म्हणजे परराष्ट्र धोरण नव्हे, असा टोला राहुल गांधींनी लगावला. त्यांच्या या वक्तव्याची सध्या राजकीय वर्तुळात जोरदार चर्चा आहे.

राहुल गांधींनी गुरुवारी केंद्र सरकारच्या परराष्ट्र धोरणावर जोरदार टोलेबाजी केली. मोदींचं परराष्ट्र धोरण कसं आहे, हे दाखवताना राहुल यांनी मंचावरच काँग्रेस नेते संदीप दीक्षित यांची गळाभेट घेतली. गळाभेट घेणे हे यांचे परराष्ट्र धोरण आहे, असा टोला त्यांनी लगावला. राहुल गांधी आणि दीक्षित यांच्या गळाभेटीचा व्हिडिओ आता सोशल मीडियावर व्हायरल होत असून, राजकीय वर्तुळातही जोरदार चर्चा होत आहे.