जम्मू-काश्मीरमधील पहलगाममध्ये दहशतवादी हल्ला झाला असून बेसरानमध्ये दहशतवाद्यांनी पर्यटक आणि स्थानिक लोकांवर अंदाधुंद गोळीबार केला. या हल्ल्यात सूत्रांनी दिलेल्या माहितीनुसार 27 जणांचा मृत्यू झाला असून काहीजण तीव्र जखमी झाले आहे. पहलगाममधील दहशतवादी हल्ल्यात एका महिलेच्या पतीचा गोळी लागल्याने मृत्यू झाला आहे. सोशल मीडिया आणि आलेल्या व्हिडिओमध्ये एका महिलेने दहशतवाद्यांनी तिच्या पतीला आधी धर्म विचारला तू मुस्लिम आहे का? असे विचारले तो बोलला नाही आणि त्याच्यावर गोळ्या घातल्याच सांगितले आहे.

यानंतर लोकसभेचे विरोधीपक्ष नेते राहुल गांधी यांनी संवेदना व्यक्त करत केंद्र सरकारवर निशाणा साधला आहे. संपूर्ण देश दहशतवादाविरुद्ध एकजूट आहे. जम्मू काश्मीरची परिस्थिति सामान्य असल्याचे पोकळ दावे करण्यापेक्षा सरकारने आता जबाबदारी घ्यावी अशी टीका राहुल गांधी यांनी केंद्र सरकारवर केली