एकीकडे पुण्यात लोकसभेचे विरोधी पक्षनेते राहुल गांधी यांच्या उपस्थितीत ‘छात्रों की गूंज’ हा कार्यक्रम सुरू असताना, दुसरीकडे केंद्रीय राज्यमंत्री मुरलीधर मोहोळ यांच्या उपस्थितीत ‘संपूर्ण वंदे मातरम् गाऊया’ हा कार्यक्रमही सुरू आहे.

सावित्रीबाई फुले पुणे विद्यापीठात आयोजित करण्यात आलेल्या या कार्यक्रमाला भाजपच्या आमदारांसह स्थानिक नागरिकांनी मोठी गर्दी केली आहे. हातात तिरंगा आणि डोक्यावर तिरंग्याच्या रंगाची टोपी परिधान करून उपस्थित नागरिकांमध्ये देशभक्तीचा उत्साह पाहायला मिळत आहे. यावेळी ‘भारत माता की जय’च्या घोषणांनी परिसर दणाणून गेला. शुक्रवारी रात्री ABVP आणि कॉँग्रेसच्या कार्यकर्त्यांमध्ये जोरदार राडा झाला. कॉँग्रेसच्या कार्यकर्त्यांवर गुन्हे देखील दाखल करण्यात आल्याने दोन्ही पक्षात आरोप-प्रत्यारोपांच्या फैरी झाडल्या जात आहे. अशातच आज राहुल गांधी यांच्या कार्यक्रमाला संपूर्ण वंदे भारत या कार्यक्रमाने उत्तर दिले जात असल्याची चर्चा आहे.