महापुरुषांवर टीका करताना विचार करावानाव न घेता राधाकृष्ण विखे पाटील यांनी नितेश राणेंवर निशाणा साधला. छत्रपती शिवाजी महाराजांच्या सैन्यावर वादग्रस्त विधान केल्याच्या पार्श्वभूमीवर विखे पाटील यांनी टीका करत महापुरुषांवर बोलताना जबाबदारीने विचार करावा असा सल्ला त्यांनी मंत्री नितेश राणेना दिला. त्यांच्या या वक्तव्यामुळे राजकीय वातावरण तापले असून, विरोधकांनीही नितेश राणेंवर टीका करण्यास सुरुवात केली आहे.

मंत्री राधाकृष्ण विखे पाटील हे आज संगमनेर दौऱ्यावर होते.यावेळी छात्र भारतीच्या कार्यकर्त्यांनी विखे पाटील यांच्यासमोर नितेश राणे यांच्या विरोधात जोरदार घोषणाबाजी केली.धार्मिक आणि सामाजिक तेढ निर्माण करणाऱ्या नितेश राणेंची मंत्रिमंडळातून हकापट्टि करा अशा प्रकारची मागणी छात्र भारतीच्या कार्यकर्त्यांनी केले. त्यानंतर मंत्री राधाकृष्ण विखे पाटील यांनी माध्यमांना प्रतिक्रिया देत नितेश राणे यांना अप्रत्यक्षपणे खडेबोल सुनावले.