पुणे शहरातील काही भागात मंगळवारी म्हणजे उद्या पाणीपुरवठा बंद राहणार आहे. खडकवासला ते वारजे जलकेंद्र आणि होळकर जलकेंद्राला जोडणाऱ्या रॉ वॉटर लाईन सांडपाणी वाहिनीच्या कामामुळे फुटल्याने पाणीपुरवठा बंद राहणार आहे. ही गळती थांबवण्यासाठी महापालिकेच्या पाणीपुरवठा विभागाकडून मंगळवारी दुरुस्तीची कामे हाती घेतली असल्याने शहराच्या काही भागाचा पाणीपुरवठा मंगळवारी बंद राहणार आहे.

वारजे, शिवणे औद्याोगिक परिसर, कर्वेनगर, शिवाजीनगर, गोखलेनगर, भोसलेनगर, पाषाण, बाणेर, बालेवाडी, कोथरूड आणि खडकीचा काही भाग येथील पाणीपुरवठा कमी दाबाने होणार आहे. दुरुस्ती कालावधीमध्ये टँकरने केला जाणारा पाणी पुरवठा देणे शक्य होणार नसल्याचे महापालिकेच्या पाणीपुरवठा विभागाकडून सांगण्यात आले आहे. त्यामुळे या मंगळवारी नागरिकांनी पाणी जपून वापरावे असे आवाहन पालिकेकडून करण्यात आले आहे.