पुण्यातील खराडी भागातील उच्चभ्रू वसाहतीत हाऊस पार्टीच्या नावाखाली रेव्ह पार्टी सुरू होती. या रेव्ह पार्टीत माजी मंत्री एकनाथ खडसे यांचे जावई डॉ प्रांजल खेवलकर यांचा सहभाग होता. या पार्टीत एकूण ७ जण असल्याची माहिती आहे. पार्टीमध्ये मोठ्या प्रमाणात अंमली पदार्थ, दारू आणि हुक्का पार्टी सुरू असल्याची माहिती आहे. दरम्यान, पोलिसांना याची माहिती मिळताच त्यांनी पार्टीत सहभाग झालेल्यांना ताब्यात घेतलंय.

या रेव्ह पार्टीला ३ वाजता सुरूवात झाल्याचं समजतंय. दरम्यान, या रेव्ह पार्टीचा इनसाईड व्हिडिओ समोर आला आहे. या व्हिडिओत एकूण ७ जण असल्याची माहिती आहे. दरम्यान, या रेव्ह पार्टीत पकडलेला एक व्यक्ती क्रिकेट बुकी असल्याची माहिती आहे. पार्टीमध्ये गांजा आणि कोकेनसारखे अंमली पदार्थांचे सेवन केली असल्याची माहिती आहे. खेवलकर यांच्यासह ५ जणांना पुणे पोलिसांनी ताब्यात घेतलं आहे.