BJP Congress clash in Pune latest updates : काँग्रेसचे प्रदेशाध्यक्ष हर्षवर्धन सपकाळ यांनी केलेल्या वक्तव्याच्या विरोधात पुण्यात भाजपचे आंदोलन सुरू आहे. काँग्रेस भवन बाहेर भाजपचे कार्यकर्ते आंदोलन करत आहेत. भाजपच्या आंदोलनाला काँग्रेसकडूनही प्रत्युत्तर देण्यात आले. त्यामुळे पुण्यात काँग्रेस भवनासमोर जोरदार राडा झाला. सध्या घटनास्थळी तणावपूर्ण शांतता असून दोन्ही बाजूंचे नेते एकमेकांवर आरोप-प्रत्यारोप करत आहेत. या दगडफेकीमुळे पुण्यातील राजकीय वातावरण चांगलेच तापले असून पोलीस पुढील कारवाई करत आहेत.

भाजप आणि काँग्रेसच्या कार्यकर्त्यांमध्ये जोरदार राडा झाला. मागील तीन ते चार तासांपासून भाजपकडून आंदोलन सुरू होते. काँग्रेसभवन बाहेर मोठा पोलीस बंदोबस्त तैनात होता. दुसरीकडे काँग्रेसकडूनही प्रत्युत्तर देण्यात आले. या आंदोलनावेळी दगडफेक करण्यात आली असून यात काही कार्यकर्ते जखमी झाल्याची माहिती समोर येत आहे. कारच्या काचाही तुटल्याचे व्हिडिओ फुटेजमध्ये दिसत आहे.