पुण्यातील हायप्रोफाईल हिट ऍन्ड रन अपघात प्रकरणी अल्पवयीन आरोपी मुलाच्या आईला पोलिसांनी अटक केली होती. आता त्याच्या आईची आणि मुलाची पोलिस चौकशी करणार आहेत. आरोप मुलाच्या आईला पोलिसांनी ताब्यात घेतलं होतं. रक्ताच्या नमुन्यात फेरफार झाल्याचा आरोप झाल्यानंतर रक्ताचे नमुने हे आरोपी अल्पवयीन मुलाच्या आईचेच असल्याचं समोर आलंय. त्यानंतर पोलिसांनी अल्पवयीन मुलाच्या वडील, आजोबा यांच्यानंतर आता आईलाही बेड्या ठोकल्या आहेत. पुणे पोलिसांकडून अल्पवयीन मुलाची आई शिवानी अग्रवाल यांची चौकशी केली जाणार आहे. या चौकशीतून नेमकी काय माहिती समोर येते, हे पाहणं महत्त्वाचंय. शिवानी अग्रवाल यांना पोलिसांनी त्यांच्या राहत्या घरातून ताब्यात घेतलं होतं. हिट एन्ड रन ते ड्रंक एन्ड ड्राईव्ह अशा या पुण्यातील पोर्श अपघात प्रकरणात आता आणखी एक महत्त्वाची कारवाई पोलिसांनी केली आहे.