पुणे : पुणे अल्पवयीन मुलाच्या आरोपी मुलानं कोणतीही उत्तरं दिली नाही, अशी माहिती सूत्रांनी दिली आहेत. पुणे पोर्शे कार अपघात प्रकरणी आरोपी अल्पवयीन मुलाची पोलिसांकडून चौकशी करण्यात आली. आरोपी मुलाच्या आईच्या समोरच ही चौकशी करण्यात आली. बाल सुधारगृहामध्ये करण्यात आलेल्या या चौकशीदरम्यान आरोपी मुलानं पोलिसांच्या एकाही प्रश्नाचं उत्तर दिलं नाही, अशी माहिती समोर आली आहे. त्यामुळे आता पोलिसांच्या चौकशीतील आव्हानं आणखी वाढली आहे. आरोपी मुलाची आई शिवानी अग्रवालला आज पोलिसांनी सकाळी अटक केली होती. आरोपी मुलाच्या रक्ताच्या नमुन्यात फेरफार केल्याच्या आरोपाखाली ही अटक करण्यात आली आहे. फेरफार केलेलं रक्त आरोपी मुलाच्या आईचंच असल्याचं पोलिसांच्या चौकशीतून समोर आल्याचं सांगितलं जातंय. त्यानंतर आता मुलाच्या चौकशीदरम्यान, आरोपी मुलानं एकाही प्रश्नाचं उत्तर दिलेलं नाही, असं सांगितलं जातंय.