पुण्यात हिट अँड रन प्रकरणी दोघांचा जीव गेला होता. आता पुणे पोलिसांनी ड्रंक अँड ड्राईव्हविरोधात कडक पावलं उचलली आहेत. ड्रंक अँड ड्राईव्ह केल्यास आता थेट लायसन्स रद्द होणार असल्याचा इशारा पुणे पोलिसांनी दिला आहे. दारू पिऊन वाहन चालवणाऱ्या वाहन चालकाने पहिल्या वेळेस दारू पिऊन वाहन चालविल्यास तीन महिन्यासाठी लायसन्स रद्द केले जाणार आहे. दुसऱ्या वेळेसही दारू पिऊन गाडी चालविल्यास सहा महिन्यांसाठी आणि तिसऱ्या वेळेस दारू पिऊन पुन्हा गाडी चालवली तर लायसन्स कायमस्वरूपी रद्द होऊ शकतं अशी माहिती पुणे पोलिसांनी दिली आहे.