पुणे पोलिसांच्या ताफ्यात ५ नवीन आणि अत्याधुनिक वाहनं दाखल झाली आहेत. या वाहनांना "दृष्टी" असं नाव देण्यात आलं आहे. नावाप्रमाणेच या वाहनावर चहुबाजूने सी सी टिव्ही कॅमेरा असून वाहनाच्या वरील बाजूस पॉईंट टू झूम कॅमेरा लावण्यात आला आहे जो आर्टिफिशियल इंटेलिजन्स च्या सहायाने ३६० डिग्री फिरतो. तसेच या वाहनात वायरलेस यंत्रणा उभारण्यात आली असून सी सी टिव्ही डिस्प्ले मशीन, मास्क लाईट टॉवर तसेच यावरून ड्रोन उडवण्यासाठी विशेष जागा तयार करण्यात आली आहे. वाहनाच्या वरील बाजूस कर्मचारी सर्व परिस्थितीवर लक्ष ठेवतील एवढी जागा आहे. येत्या गणेशोत्सवाच्या पार्श्वभूमीवर पुणे पोलिसांच्या या वाहनातून चोख नजर ठेवण्यात येईल.