पुणे सोलापूर रोडवर होर्डिंग कोसळले. पुणे सोलापूर रस्त्यावरील कवडीपाट टोल नाका जवळील गुलमोहर लॉन्स या कार्यालयासमोरील होर्डिंग थेट कार्यालयाच्या समोर कोसळल्यामुळे दुचाकी चार चाकी सह बँड वादकांची गाडी याचे मोठे नुकसान झाले. मिरवणुकीसाठी आणलेला घोडा सुद्धा होर्डिंग अंगावर पडल्यामुळे गंभीर जखमी झालाय. होर्डिंग कोसळल्यानंतर एकच गोंधळ उडाला होता. घाटकोपरमधील होर्डिंग दुर्घटना ताजी असतानाच आता आणखी एका होर्डिंग दुर्घटना घडल्यानं अनेक सवाल उपस्थित केले जात आहेत. सुदैवानं या ठिकाणी कोणतीही जीवितहानी झाली नाही. मात्र वाहनांचं नुकसान झाल्यामुळे मोठा आर्थिक फटका बसण्याची शक्यता आहे.