पुणे कामगार आयुक्त कार्यालयातील अधिकारी आणि हिंजवडी पोलिसांनी आज सकाळी 11 वाजता व्योमा ग्राफिक्स कंपनीमध्ये जाऊन चौकशी केली असता व्योमा ग्राफिक्स कंपनीचा ड्रायव्हर जनार्दन हंबर्डीकर याला कंपनीकडून दिवाळीत कमी पैसे मिळाल्याने तसेच कंपनीतील कर्मचाऱ्यांकडून सतत अपमानास्पद वागणूक मिळाल्याने, त्याने तो चालवत असलेली टेम्पो ट्रॅव्हलर मिनी बस बेंजामिन केमिकल च्या साह्याने पेटवून आपल्या कंपनीतील चार जणांचा बळी घेतला असं पोलीस तपासात उघडकीस आले होते. मात्र या प्रकरणाला आता वेगळच वळण लागण्याची शक्यता आहे.कारण कंपनीच्या मालकाने थकीत पगारच्या दाव्याला नकार दिला आहे.कंपनीच्या मालकांनी चालकाचा कोणताही पगार थकवला नसल्याचा खुलासा केला आहे.नितेश शाह असे या मालकाचे नाव आहे. ते म्हणाले, आमच्यासाठी हा मोठा धक्का आहे. आम्ही अजूनही या धक्क्यातून सावरलेलो नाही. तसेच त्या कामगाराचा आम्ही कुठलाही पगार थकवला नसल्याचे त्यांनी सांगितले आहे.या दाव्या प्रतिदाव्यामुळे या प्रकरणाला आणखी नवे वळण लागण्याची शक्यता आहे.