पुणे शहराला आज दहा ते बारा दिवसांच्या विश्रांतीनंतर मुसळधार पावसाने चांगलेच झोडपून काढले आहे. दिवसभर ढगाळ वातावरण असून वातावरणात गरमीही मोठ्या प्रमाणावर जाणवत होती. अखेर आज संध्याकाळनंतर मुसळधार पावसाला सुरुवात झाली. तसेच पुढचे तीन दिवस पुणे जिल्ह्याला ऑरेंज अलर्ट देण्यात आला आहे.

अचानक सुरू झालेल्या पावसाने पुणेकरांची चांगलीच तारांबळ उडाल्याचे दिसून आले. रस्त्यावरून मोठ्या प्रमाणात पाणी वाहू लागले आहे. नेहमीप्रमाणे आज देखील पुण्यातील रस्त्यांना नद्यांचे स्वरूप आले होते. आज पुन्हा पुणे महापालिकेचा कारभार चव्हाट्यावर आलेला दिसला.यामुळे नागरिकांनी प्रशासनावर संताप व्यक्त केला.