पुणे: आकर्षक देखावे आणि पुण्याचा गणेशोत्सव हे पारंपरिक समीकरण आहे. यंदा देखील पुण्यात ठिकठिकाणी आपल्याला विविध देखावे पाहायला मिळतायत. १३३ वर्ष जुन्या शनिपार मंडळाने यंदा जलमय द्वारका उभी केली आहे. या परिसरात थेट समुद्रात उतरल्यावर येणारा अनुभव या ठिकाणी आल्यावर पाहायला मिळतो. तब्बल १६ हजार स्क्वेअर फुट परिसरात तयार करण्यात आलेल्या या प्रतिकृती मध्ये समुद्राची वाळू, भगवान विष्णूंची मूर्ती, समुद्राच्या पोटात असलेले जीव जिवाणू, तसेच भव्य स्क्रीनवर तयार केलेले खोल पाण्याचे चित्र अनुभवायला मिळतात. गणेशोत्सवाला सुरुवात झाली असून पुण्यातील आता देखावे पाहण्यासाठी मोठी गर्दी होताना दिसतेय.