पुण्याच्या शिरूर तालुक्यातील सविंदणे येथे मध्यरात्री हवेत गोळीबार झाल्याने खळबळ उडालीये. धक्कादायक म्हणजे हा गोळीबार 'खेळ' असल्याप्रमाणे करण्यात आला आहे. यात महिलांचाही त्यात सहभाग असल्याचे समोर आले आहे. या प्रकरणी सेवानिवृत्त सैनिकासह तिघांवर गुन्हा दाखल करण्यात आला आहे.

तिघांनी परवानाधारक पिस्तुलातून शस्त्र लोड करून देत कोणताही परवाना नसताना हवेत गोळीबार केल्याने नागरिकांच्या जीवितास धोका निर्माण झाला. या प्रकरणात फिर्यादी अधिकारीच तपास करत असल्याने पोलिसांच्या भूमिकेवर प्रश्नचिन्ह उपस्थित होत आहे. या प्रकरणाच्या निष्पक्ष तपासाची मागणी होत आहे.