Tulja Bhavani Temple : पुणे जिल्ह्यातील शिरूर तालुक्यातील भाविक सचिन कालूराम येणभर यांनी श्री तुळजाभवानी मातेस ४९.४२० ग्रॅम वजनाचा सुवर्णहार अर्पण करून आपली श्रद्धा व्यक्त केली. येणभर हे सहकुटुंब श्री तुळजाभवानी मातेच्या दर्शनासाठी तुळजापूर येथे आले होते. त्यावेळी त्यांनी मंदिर संस्थानकडे हा सुवर्णहार विधीवत सुपूर्द केला. मंदिर संस्थानच्या नियमानुसार या हाराची नोंद करून तो स्वीकारण्यात आला.

याप्रसंगी मंदिर संस्थानच्या वतीने येणभर व त्यांच्या कुटुंबाचा यथोचित सन्मान करण्यात आला. या वेळी मंदिर संस्थानचे अधिकारी, कर्मचारी तसेच पुजारी बांधव उपस्थित होते.