विद्येचे माहेरघर असलेल्या पुण्यातील गुंडगिरी कमी होताना दिसत नाहीये. येथील गुन्हेगारांना कायद्याचा धाक राहिला नाहीये. आता सोशल मीडियावर एक व्हिडिओ व्हायरल होतोय. यात पुण्यातील नदी काठच्या चौपाटीवर तुंबळ हाणामारी झाली आहे. पुण्यातील डेक्कन परिसरातील नदीपात्रातील चौपाटीमध्ये मारामारीची घटना घडलीय.

शनिवारी रात्री डेक्कन चौपाटी येथे हाणामारी झाली असून त्याचा व्हिडिओ आता सोशल मीडियावर व्हायरल होतोय. या हाणामारी प्रकरणी डेक्कन पोलीस स्टेशनमध्ये गुन्हा दाखल करण्यात आला असून तीन आरोपींना डेक्कन पोलिसांनी अटक केली आहे. यातील अजून काही आरोपींचा शोध सुरू आहे. हाती आलेल्या माहितीनुसार किरकोळ वादावरून हाणामारीला झाली होती.