पुण्यातील भोर महाड मार्गावरील वरंधा घाटातील शिरगावहद्दीत भीषण अपघात घडला. खोदलेल्या खड्ड्यात पडून कारचा अपघात घडला. मध्यरात्री अडीच वाजण्याच्या सुमारास ही घटना उघडकील आली. या कार अपघातात एकाचा मृत्यू तर एकजण जखमी झाला असल्याची माहिती आहे.

मिळालेल्या माहितीनुसार, एम एच १२ एच झेड ९२९९ ही टोयोटा कंपनीची कार भोरहून महाडकडे जात होती. शिरगाव हद्दीत पाऊस आणि धुके असल्याने चालकाला रस्त्याचा अंदाज नाही आला. रस्त्याच्या रूंदीकरणासाठी खड्डा खोदलेला. या खड्ड्यात कार पडून अपघात झाल्याची प्राथमिक माहिती आहे. यात राहुल विश्वास पानसरे (वय ४५ रा.घाटकोपर,मुंबई) यांचा मृत्यू झालाय. तर राहुल देवराम मुटकुले (वय ३२) हे जखमी आहेत. त्यांच्यावर खासगी रूग्णालयात उपचार सुरू आहे.