राज्यसभेच्या जागेवरून शिवसेना ठाकरे गटामध्ये खडाजंगी सुरू आहे. शिवसेना पक्षप्रमुख उद्धव ठाकरे यांनी बुधवारी रात्री खासदारांची बैठक बोलावली होती. या बैठकीत राज्यसभेच्या जागेवरून चर्चा झाली. हक्काची जागा हातातून गेल्यामुळे या बैठकीत वाद झाल्याची माहिती समोर आली आहे. उद्धव ठाकरेंनी बोलावलेल्या खासदारांच्या बैठकीत प्रियंका चतुर्वेदी संतापल्याची माहिती सूत्रांनी दिली आहे. संजय राऊतांनी खासदारकीसाठी शरद पवारांचं नाव का घेतलं?, असा सवाल प्रियंका चतुर्वेदी यांनी केल्याचे सांगितले जात आहे.

शरद पवार यांना पाठिंबा दिल्यामुळे राज्यसभेतील शिवसेनेची हक्काची जागा गेली असे मत अनेकांनी व्यक्त केले. तर इतर खासदारांनी केलेल्या मागणीमुळे आदित्या ठाकरेही नाराज झाल्याची माहिती समोर आली आहे. संजय राऊत यांनी शरद पवार यांचे नाव का घेतलं असा सवाल करत प्रियंका चतुर्वेदी संतापल्या. या बैठकीनंतर एका खासदाराने प्रियंका चतुर्वेदी यांना ६ वर्षे संधी देऊन काय उपयोग झाला असा सवाल केला. सध्या ठाकरेंच्या या बैठकीची चर्चा होत आहे.