कॉँग्रेसचे जेष्ठ नेते तथा माजी मुख्यमंत्री पृथ्वीराज चव्हाण यांचे पुतणे इंद्रजीत चव्हाण यांचे मतदान तीन ठिकाणी असल्याचा आरोप भाजपच्या वतीने करण्यात आला आहे. माजी मुख्यमंत्री पृथ्वीराज चव्हाण यांच्या कुटुंबातील सदस्यांचे अनेक ठिकाणी मतदान आहे. पुतणे इंद्रजीत चव्हाण आणि त्यांच्या पत्नी, आई, मुलगा यांचे मतदार यादीत तीनवेळा नाव असल्याचे कराडमधील भाजप आमदार अतुल भोसले यांच्या पदाधिकाऱ्यांनी म्हटल आहे.

पृथ्वीराज चव्हाण यांचे दुसरे पुतणे राहुल यांच्यासह त्यांच्या परिवाराचेही तीन ठिकाणी मतदान आहे. विशेष म्हणजे या सर्वांनी वय बदलून नाव नोंदणी केल्याचा आरोप कराडमधील भाजपच्या कार्यकर्त्यांनी केला आहे. तसेच माजी मुख्यमंत्री पृथ्वीराज चव्हाण हे कॉँग्रेसच्या बोगस मतदान संशोधन समितीचे अध्यक्ष आहेत. पण त्यांच्याच मतदारसंघात अशाप्रकारे घोळ करणे नैतिक नाही, याआधीच्या निवडणुकीत चव्हाण यांनी असा प्रकार करूनच यश मिळवले असल्याचा आरोप भाजपकडून करण्यात आला आहे.