इतिहासकार इंद्रजित सावंत यांना धमकी, छत्रपती शिवाजी महाराज आणि संभाजी महाराजांचा अवमान प्रकरणी खरेतर प्रशांत कोरटकर यांना आतापर्यंत अटक करायला पाहिजे होती. राज्य सरकार म्हणते कारवाई करणार पण ते लवकर कारवाई करत नाही असा आरोप कोल्हापूरचे खासदार छत्रपती शाहू महाराजांनी केला. शाहू महाराज म्हणाले, ऐकण्यात आले आहे की ते दुसऱ्या राज्यात गेले आहेत. त्यांच्यावर ठोस कारवाई ही झालीच पाहिजे मुळात स्वतः सरकारने यांच्यावर गुन्हा नोंदवाला पाहिजे जे कायदे आहेत ते पुरेसे आहेत. त्या कायद्यांतर्गत कारवाई तातडीने करता येते नवीन कायद्याची गरज नाही असे शाहू महाराजांनी सांगितले.