Prakash Ambedkar Pune | पुण्यात प्रकाश आंबेडकरांची पत्रकार परिषद पार पडली. यावेळी आंबेडकरांनी काही महत्त्वाचे मुद्दे मांडलेत. नेपाळच्या १०० रुपयांच्या नोटेवर उत्तराखंडमधील पिथोरागड मधील तीन भाग दाखवले आहेत. कालापानी, लिपुलेख आणि इतर एक भाग. बांग्लादेश बरोबरचे संबंध बिघडायला लागले आहेत. श्रीलंका चीनच्या ताब्यात जायला लागले आहे. दहा वर्षापूर्वी आपले या देशांशी असलेले संबंध चांगले होते असं महत्त्वाचं वक्तव्य प्रकाश आंबेडकरांनी केलंय. त्याचबरोबर बायडन यांच्या भाषेत सरकारला झेनोफोबिया झाला आहे असंही म्हणालेत. जर्मनी, जपान, ॲास्ट्रेलिया असे मोठे देश आपल्यापासून अंतर ठेवून वागतायत. काही देशात भारत विरोधकांना गोळ्या घातल्या आहेत. त्यात भारताचा हात आहे का? अशी शंका या देशांना आहे.