...हा तोच रोहित आर्या आहे ज्याने ऑगस्ट २०२४ मध्ये देखील गोंधळ घातला होता. ऑगस्ट २०२४ मध्ये तत्कालीन शालेय शिक्षण मंत्री दीपक केसरकर यांच्या विरोधात रोहित आर्या ने उपोषण केलं होतं आणि त्यावेळी त्याला अचानक फिट आली होती. फिट आल्यानंतर त्याला तात्काळ रुग्णालयात दाखल करण्यात आले. माझी शाळा, सुंदर शाळा या प्रकल्पाचे डिझाईन रोहित ने केल्याचा दावा त्याने त्यावेळी केला होता, मात्र त्यांची दखल घेतली नसल्याने त्यांनी सरकारच्या विरोधात आंदोलन केले होते. शिवसेना उद्धव बाळासाहेब ठाकरे पक्षाचे पदाधिकारी सूरज लोखंडे आणि संभाजी ब्रिगेडचे संतोष शिंदे आणि "साम टिव्ही" चे कॅमेरामन सुमित भोसले यांनी त्यावेळी त्याला रुग्णालयात दाखल केले होते.

मुंबईत रोहित आर्या नावाच्या व्यक्तीने अनेक मुलांना ओलीस ठेवल्याची धक्कादायक घटना समोर आली आहे. पवई भागात ओलीस ठेवण्यात आलेली सर्व मुले 15 वर्षांखालील असून 17 मुला-मुलींना एका खोलीत बंद करुन ठेवण्यात आले होते.

मी आत्महत्या करण्याऐवजी या मुलांना बंदी बनवलं आहे, असं रोहित आर्यने व्हिडिओ अपलोड सांगितलं. दरम्यान, एका प्रकल्पात आर्थिक नुकसान झाल्यामुळे रोहितने संबंधित विषयाकडे लक्ष वेधण्यासाठी हे कृत्य केल्याची माहिती समोर आली आहे.