छत्रपती संभाजीनगरमध्ये महापालिका निवडणुकीच्या पार्श्वभूमीवर मोठा गोंधळ उडाला आहे. निवडणूक प्रक्रिया सुरळीत पार पडावी यासाठी शहर पोलिसांनी रॅली आणि मिरवणुकांवर बंदी घातली होती. मात्र या आदेशाचे उल्लंघन करत एमआयएमच्या एका उमेदवाराने परवानगीशिवाय मिरवणूक काढत जल्लोष केला.

ही मिरवणूक गरवारे मतमोजणी केंद्र परिसरात काढण्यात आल्याने मोठ्या प्रमाणात गर्दी जमली. परिस्थिती हाताबाहेर जाण्याची शक्यता लक्षात घेता पोलिसांनी तत्काळ हस्तक्षेप केला. जमाव पांगवण्यासाठी पोलिसांना लाठीचार्ज करावा लागला. यावेळी कार्यकर्त्यांची धावपळ उडाली असून परिसरात काही काळ तणावाचे वातावरण निर्माण झाले होते.