राज्यातील विधानसभा निवडणुकीचं वादळ 23 तारखेला शमलं. या निवडणुकीत महायुतील आणि मुख्यत्वे भाजपला मिळालेला विजय ऐतिहासिक हा अनपेक्षित होता. त्यानंतर बहुमत मिळूनही 11 दिवस चाललेल्या सत्तास्थापनेच्या नाराजी नाट्यावर पडदा टाकत काल सत्ता स्थापनेचा दावा राज्यपालांकडे करुन आज महायुतीने नवीन सरकार स्थापन केलं. मुंबईच्या आझाद मैदानावर शपथविधी सोहळा नुकताच पार पडला असून यावेळी पंतप्रधान नरेंद्र मोदी यांच्यासह गृहमंत्री अमित शाह हे देखील उपस्थित होते. मुख्यमंत्री म्हणून भाजपकडून देवेंद्र फडणवीस यांनी शपथ घेतली आहे. तर उपमुख्यमंत्री म्हणून एकनाथ शिंदे आणि अजित पवार यांनी शपथ घेतली. या शपथविधीच्या सांगतेनंतर पंतप्रधान मोदी यांनी उपस्थित सर्व जनतेला वाकून हात जोडत नम्रपणे अभिवादन केलेलं दिसलं. महाराष्ट्राच्या जनतेने दिलेल्या कौलावर त्यांनी आज शब्दाविना दिलेली प्रतिक्रिया चर्चेचा विषय ठरत आहे.

Edited By Rakhi Rajput