आज पुण्यश्लोक अहिल्यादेवी होळकर त्रिशताब्दी जन्मोत्सव सोहळा चौंडीमध्ये अत्यंत मोठ्या उत्साहात पार पडत आहे. चौंडी हे अहिल्यादेवी होळकरांचे जन्मस्थान असल्याने आज मोठ्या प्रमाणात तेथे अहिल्याप्रेमी हे उत्सवासाठी आले असून या ठिकाणी मुख्यमंत्री आणि उपमुख्यमंत्र्यांसह अनेक मंत्र्यांनी अभिवादन केले.

यावेळी मुख्यमंत्री देवेंद्र फडणवीस संबोधित करताना म्हणाले, पंतप्रधान नरेंद्र मोदी यांनी देखील मला सांगितले आहे मी एक दिवस नक्की चौंडीमध्ये येणार आहे. तसेच राष्ट्रपती द्रौपदी मूर्मू या देखील येणार आहे असा विश्वास देवेंद्र फडणवीस यांनी व्यक्त केला. तसेच पुढे ते म्हणाले, राष्ट्रपती यांच्या सचिवांशी देखील माझे बोलणे झाले होते. परंतु त्यांना जे काही हवामान संदर्भात माहिती मिळाली. त्यामुळे त्या येऊ शकल्या नाही परंतु एक दिवस त्या नक्की चौंडीमध्ये येतील असाही विश्वास मुख्यमंत्री देवेंद्र फडणवीस यांनी दिला.