पिंपरी-चिंचवड महानरपालिकेच्या भोसरी येथील रुग्णालयात दारु पार्टीची व्हिडिओ व्हायरल झाला असून त्यामुळे खळबळ उडाली आहे. रुग्णालयातील एक्स-रे विभागातील काही कर्मचारी दारू पार्टी करताना या व्हिडिओमध्ये दिसत आहेत. सरकारी रुग्णालयातील कर्मचारीच अशा प्रकारे वर्तन करत असल्याने नागरिकांमध्ये संतापाची लाट आहे. आरोग्य सेवेसाठी असलेल्या ठिकाणी दारू पार्टी सुरू असल्याने प्रशासनाच्या शिस्तीवर प्रश्नचिन्ह उभं राहिलं आहे. या प्रकरणी महापालिकेच्या आरोग्य विभागाने संबंधित कर्मचाऱ्यांवर काय कारवाई केली जाणार, याकडे सर्वांचं लक्ष लागलं आहे.