आज सकाळी परभणीच्या जिंतूर तालुक्यातील बोरी आणि दुधगाव या दोन मंडळांमध्ये मुसळधार पाऊस झालाय. जवळपास तीन तास हा पाऊस पडत असल्यामुळे जिंतूर तालुक्यातील या दोन्ही मंडळांमध्ये मोठ्या प्रमाणावर नुकसान झाले आहे. त्यातल्या त्यात करवली पिंपरी रोहीला बोरवाडी कसर या गावांतील काही घरांमध्ये पाणी शिरले असून संसार उपयोगी साहित्य अन्नधान्याचाही नुकसान झाले. तसेच करवली गावातील मारोती मंदीरातही पाणी साचले आहे त्याचप्रमाणे या गावांच्या परिसरातील ओढे नाले ओसंडून वाहत आहेत.