नगरपंचायत आणि नगरपरिषदेच्या निवडणुकीला अवघा एक दिवस शिल्लक असताना राज्यभरात जोरदार प्रचाराचा भोंगा वाजत आहे. मंत्री पंकजा मुंडे या आज सांगली जिल्ह्यातील जत तालुक्यामध्ये होत्या. जत तालुक्याचे आमदार गोपीचंद पडळकर यांची प्रतिष्ठापणाली लागली आहे. मुंडे यांनी या ठिकाणी सभा घेतली आणि जनतेला भाजपच्या उमेदवारांना निवडून देण्याचे आवाहन केले. महालक्ष्मीला कुठे बसायचं कळतय. महालक्ष्मी कमळावर बसली आहे. त्यामुळे कमळावर बसून लक्ष्मी आपल्या घरात येणार आहे. असं विधान पर्यावरण मंत्री पंकजाताई मुंडे यांनी केले आहे. त्या सांगलीच्या जतमध्ये भाजपा उमेदवारांच्या प्रचारार्थ आयोजित सभेमध्ये बोलत होत्या. त्या सभेला भाजपा आमदार गोपीचंद पडळकर यांच्यासह जत नगरपरिषदेतील उमेदवार व नागरिक मोठ्या संख्येने उपस्थित होते.