पंकजा मुंडे यांना नगर विधानसभेचं तिकीट द्यावं, अशी मागणी करण्यात आली आहे. अहमदनगरच्या भाजप शहराध्यक्षांनी पत्र लिहून ही मागणी केली आहे. भाजपचे प्रदेशाध्यक्ष चंद्रशेखर बावनकुळेंना पत्राद्वारे करण्यात आलेल्या या मागणीनं सगळ्यांचं लक्ष वेधलंय. बीड लोकसभेतून पराभूत झाल्यानंतर पंकजा मुंडे यांना नगर विधानसभेतून संधी दिली जावी, अशी मागणी करण्यात आलेली आहे. सुजय विखेंना नगर शहरातून चांगलं मताधिक्य मिळालं होतं. त्यामुळे पंकजा मुंडेंना नगर शहरातून विधानसभेची उमेदवारी देण्याची मागणी नगरच्या भाजप शहराध्यक्षांनी केल्याचं पाहायला मिळतंय. दरम्यान, आता या मागणीबाबत चंद्रशेखर बावनकुळे नेमकी काय भूमिका घेतात, हे पाहणं महत्त्वाचंय.