पिंपरी-चिंचवडमध्ये काळजाची ठोका चुकवणारी घटना घडलीये. लिफ्टमध्ये लहान मुलांकडे दुर्लक्ष करणे किती धोकादायक ठरू शकते, याची प्रचिती पिंपरी- चिंचवडमधील दिघीतील एका रहिवासी सोसायटीत आलीये. एक महिला लिप्टमध्ये चिमुकलीसोबत शिरली. त्यानंतर चिमुकलीने दरवाजावर हात ठेवला होता. लिफ्ट दुसर्‍या मजल्यावर गेल्यानंतर दरवाजा बंद होताना चिमुकलीचा हात दरवाजाच्या सापटीत अडकला. या प्रकारामुळे लिफ्टमधील सर्वच जण घाबरले. त्यांनी तातडीने चिमुकलीचा हात बाहेर काढण्यासाठी प्रयत्न सुरू केले. काही मिनिटांच्या प्रयत्नानंतर चिमुकलीचा हात सुरक्षितपणे बाहेर काढण्यात आला. त्यामुळे लिफ्टमधील सर्वांनी सुटकेचा निश्वास सोडला. ही संपूर्ण घटना सीसीटीव्ही कॅमेऱ्यात कैद झाली.